23/04/2012
Ekoliderren diploma banaketa. Zorionak! Hainbat herritako 18 eta 28 urte bitarteko hogeita bost gaztek kutxako Gizarte Ekintzak sustatutako Ekoliderrak programan parte hartu dutela egiaztatzen duen diploma jaso dute.
2010ean Kutxa Ekoguneak martxan jarritako programak iraunkortasuna eta lidergo soziala ditu oinarri. Aurtengoa hirugarren edizioa da, eta leloa «Hitzetatik ekintzetara igarotzeko unea da».
Dagoeneko programaren lehenengo bi faseak egin dira; lehenengoa trebatu izan da, eta bertan gazteak prestatu egin dira (95 orduko trebakuntza aldia izan dute, iraunkortasun eta lidergoaren inguruan), eta bigarrenean (ekin) prestakuntzan landu dituzten kontzeptuak praktikara eraman dituzte.
Aurreko astean egindako diplomen banaketarekin, hirugarren faseari (izan) ekin diote parte hartzaileek. Gazte Ekoliderrak sareko partaide aktibo bihurtzea espero da, aurreko bi edizioetako partaideekin bat eginez.
Irakurri gehiago >> |
